N’idea veramenti ‘ncredibili

Da sempri, armenu pi’ tutti i nostri canuscenzi,
si dici ch’a menti attizza l’ingegnu:
si ti veni ‘na bedda pinsata ca u’ ciriveddu ‘nfruenzi,
rribbumma da dintra e s’arrifrisca ‘ntesta u’ disignu.

Cosa diri vogghiù ?
Ca pi’ fari picciuli, certi voti, un servi u’ travagghiu,
basta anchi ‘na semprici idea,
‘liganti, pratica, appariscenti comu ‘n’orchidea …

‘Sta vota cci vinni ‘mmenti a Phoeniz Gary,
cinquattenni ‘miricanu di l’Arizzona,
ca l’h’avuta dicisamenti ‘nsolita macari,
ma semprici, pi’ risparmiari nne’ spisi da zona.

Su tutti i dollari ca spinneva ha scrittu:
“pi’ favuri, aiutatimi, sugnu un puvireddu,
ristituisci ‘sta bancunota a ‘st‘indirizzu discrittu,
mi manca tuttu e sentu friddu”.

‘St’idea l’ebbi quannu Gary ha avutu problemi di saluti:
“nun pinsavu ca quarcunu veramenti l’avissi ristituiti,
ma l’hannu fattu e mi pigghiavi ‘sti vantaggi risoluti,
e mi cuntinuanu ad aiutari, in famigghia divirtuti” .

“Avevu iniziatu a scriviri pi’ ridiri,
eru sicuru ca nuddu l’avissi presu sul seriu,
poi cuminciaru a riturnari i dollari e gradiri,
chi putia ‘mmaginari ‘a risposta di tanta genti, un putiferiu” .

Ora Gary cumincia a nun aviri grossi prublemi,
una nicaredda pinsioni pi’ non videnti
e un pocu di dollari ca ritornanu comu emblemi,
ca bastanu pi’ paari bulletti e spisi scadenti.

Quarcunu ginirusu e spiritusu m’ha scrittu:
“ ‘St’idea è veru giniali, comprimenti,
ma picchì ‘un ci pinsavi prima iu, poviru dilirittu” !
Oramai, “un ci fari casu, a mia servinu p’accattari l’alimenti!” …

Hai ragiuni, tanti aguri pu’ futuru !