Cci su’ amici e amici, anzi, spissu tra chisti,
arcuni sunnu chiddi ca dietru i spaddi ti pugnalanu,
i cchiù vicini, l’amurusi, ca parinu boni e su eguisti e crassisti,
pronti a sdirrubbari tuttu cu sentimenti ch’assillanu.
Ma, ogni tantu, c’è ‘na storia graziusa e nuccenti,
ca u’ mali du munnu ch’impira ti fa scurdari,
comu ‘na nutizzia ripurtata nne’ jurnali recenti,
un esempiu di cosa vordiri l’amuri rialari.
Una triricenni, He Qin-jiao, cinisi,infatti,
da’ pruvincia di Hunan, povira e isulata,
pi’ tri anni di fila, supra ‘i spaddi, a tratti,
ha purtatu a’ scola ‘n’alunna, cu longa “caminata”.
A 9 anni era rimasta dispiaciuta ch’a so’ cumpagna,
HeYing-hui, nun puteva cchiù friquintari pi’ gravi malatia,
era stata curpita da ‘na poliu ca ristagna,
abitava o’ latu e, ogni tantu, dispiaciuta chiancia.
A famigghia ‘un puteva accumpagnarla,
travaggiavanu tutti i jiorna e nun avianu i mezzi,
accussì ha dicisu d’interviniri e aiutarla,
ogni matina, supra i spaddi s‘a purtava, senza attrezzi.
‘Sta “favuletta” ha commossu tutta a nazioni,
e ‘a picciridda ha statu numinata
“’a megghiu sturentessa da Cina”, senza eccezzioni,
ma idda è rimasta mudesta margradu di ‘stu priu curunata.
“L’aiu fattu, ha dittu, picch’è l’amica du cori,
e senza, ‘a scola nun era ‘a stissa cosa;
nun mi rispiaci purtalla supra i spaddi, senza rancuri,
parramu tuttu u tempu, è sempri quarcosa.
Pi’ furtuna ‘sta storia è divintata ca tutti ‘u sapianu
e finarmenti l’atorità ha dunato chi roti ‘na seggia.
Quarcunu dici ch’a Sanità si movi araciu, pianu,
sulu quannu ‘u fattu spunta ’n cronaca e tuttu amareggia.
Ora però, ‘a picciridda si movi conu ‘n’esperta
e po’ ghiri, si voli, chianu chianu, in “trasferta”.
Ma senza stabiliri curpevoli e nuccenti,
‘un vi pari ca tuttu chistu è meggiu ‘i nenti ?
Quello che sta succedendo ha dell'incredibile: addio al caffè economico. Tanti i cittadini pronti alla…
Prova questo test, è difficilissimo: hai pochi secondi Soprattutto d'estate, quando si è in vacanza…
Il presidente della Regione Siciliana, Renato Schifani, è stato sottoposto stamattina, presso l’ospedale Civico di…
Così non spenderai più un euro per la piscina: rientri del costo con il 730…
Continua la corsa di Jasmine Paolini che, sui prati londinesi, entra nella storia del tennis…
La Polizia di Stato ha dato esecuzione ad un’ordinanza di applicazione di misure cautelari, emessa…