Mattarella e “briciuli”

‘A cirimonia era di chiddi veru ‘mpurtanti,
ca succeri armenu ‘na vota ogni sett’anni:
cavaddi bianchi cu’ corazzieri avuti “tanti”,
banda e atorità, degni di mila capuranni !

Genti di tutti i lati aspittannu
e fudda ca s’allavancava du munnu ‘nteru,
pi salutari u Prisirenti palemmitanu fistiggiannu,
battennu i manu cu’ priu e austeru.

E aspittannu u’ giuramentu du novu Prisirenti,
da Repubbrica ‘Taliana,
‘a prisenza da mascotti di CC, ca pari sull’attenti,
nun è passata ammucciuni, pareva filliniana !

E “Briciola”, chistu u’ nomu du canuzzu,
s’è subitu guadagnata, di Twitter, ‘a simpatia
e l’utenti cci didicaru post a “spruzzu”,
un graziusu fori prugramma dall’apatia.

Taliati ‘st’amuri ‘i cani,

nun è ‘a cosa cchiù graziusa,

un pari iddu u’ cumannanti di “decani” ?

E’ ‘ncertu si Briciola ha fattu u’ giuramentu o fu escrusa …

Fattu stà ca nnò corsu da cerimonia attivata,
cu’ protocollu naziunali e internazionali,
su’ Twitter: “è iddu u’ veru protagonista di ‘sta jurnata” !
Presirenti Mattarella, pacienza. ‘un c’è nenti di mali …

Pruvati tutti a pinsari attornu:
“Briciola eroi pi’ un jornu” !