Tutta ‘na vita a nun manciari,
amici beddi, ma comu si po’ fari,
l’anni ormai passati nni fici vicchiareddi,
cu’ tutti i nostri mali, nun semu caruseddi.
Cuminciò quann’eravamu nichi:
vita 48 e minnuzzi comu i fichi;
eppur si lamintava e paci nun avia,
“rumani ha cuminciari ‘sta longa litinia” …
Criritimi picciotti, “ha” statu ‘na pazzia,
‘a curpa è tutta r’idda, ra dieta di me’ zia.
“Fatti l’affari to’, iu cciù riceva sempri,
un ti ‘mmiscari mai nne’ cosi ri parenti.”
Ma ‘sta mischina a mia pinsava, quannu mai,
inveci r’annacarisi u’ maritu, manciava sulu guai.
“U baccalaru nun pozzu cchiù manciari,
fa mali ai virticuna e ‘a panza fa ‘ngrassari,
fiura i cosi grassi, vasteddi e pisci fritti,
ca sunnu ‘na cunnanna e puru maliritti.
Criritimi picciotti, “ha” statu ‘na pazzia,
‘a curpa è tutta r’idda, ra dieta di me’ zia …
Ma mancu chi regali ci putia:
“si manci ‘stu piattuzzu ti portu a’ Vucciria”;
era comu un delittu, un attentatu,
nun ci putevanu mancu l’affettu e ‘u gelatu.
“Mi devi accompagnar nno specialista,
tutti m’hannu a visitar, puru u’ callista,
‘a vita e mia e ma crisciu comu vogghiu,
nun ti ‘mmiscari e nun criari ‘mbrogghiu” !
Criritimi picciotti, “ha” statu ‘na pazzia,
‘a curpa è tutta r’idda, ra dieta di me’ zia …
Ma biniritta figghia, ti vogghiu dir ‘na cosa:
in tant’anni di dieta ti tinni come sposa,
ti vogghiu beni sempri ca’ to’ mania al picco,
l’hai ‘ntisu diri mai: talè che beddu siccu ?
Se lavori poco e il tuo stipendio non ti basta, allora sappi che lo stato…
Su disposizione della Procura Distrettuale della Repubblica, la Polizia di Stato di Catania ha eseguito…
Nei giorni scorsi, la Polizia di Stato ha arrestato V.D., un 30enne pluri-pregiudicato per reati…
"Il voto di giovedì, che era già il voto più importante nella storia del Parlamento…
Questa mattina, la Polizia di Stato di Rimini ha eseguito un'ordinanza del Giudice per le…
Roberta Metsola, con 562 voti, è stata rieletta presidente del Parlamento europeo dalla plenaria riunita…
