Da’ finestra ‘na cascata di ghiacciu

Cosa succeri si lassati apertu u rubinettu,
d’invernu, in un paisi “ghiacciatu”, e apriti i finestri ?
Un signuri di 35 anni, ‘un pocu allegrettu,
vuleva lassari un signali, senza mancu usari “balestri”

L’ha pruvatu e l’ha fattu: da so’ finestra
una grannissima caruta di ghiacciu,
dall’artu du palazzu arrivò ‘nterra maestra,
ca faceva bedda fiura anchi si caruta a casacciu.

Wen Hsu, stava in un gran palazzu in Cina;
‘na società, però, vulennu fare un centru commerciali,
s’accattò tutti i casi da zona vicina,
tranni ‘a sua, picchì l’offerta era nica, anti suciali.

L’idea arrivò p’attirari l’attinzioni:
pinsannu all’effettu e grapennu rubinetti e finestri.
Ddoppu jorna arrivò nna strata u’ ghiacciu in azioni
e l’autorità nun hanno avutu u’ tempu di sequestri…

‘Nfatti nno palazzu cchiù nuddu abitava,
i vicini ‘i casa di Hsu avianu già carriatu,
e ‘a società ci fici un’offerta can ‘un rifiutava,
pi’ trasferirsi in palazzu dignitusu e agiatu.

Comu rici un pruverbiu sicilianu chi raziocini,
“ci vonnu sempri l’agghi pi’ vicini !”