Ah, ‘sti giappunisi

I pruverbi ‘un sbagghianu mai, vu riurdati Giufà:
era chiddu ca “una nni pensa, e centu nni fa !
Quannu nichi, i raccunti di ‘stu persunaggiu,
eranu i cchiù liggiuti, cu’ sapuritu linguaggiu.

Ora. i giappunisi, pari avissiru un “Giufà” comu “maistru”:
si ìmmintaru ‘na mascherina p’evitari smog cu estru,
e finu a ca’ nenti di mali,
tanti pirsuni ‘a portanu, si nnò t’ammali.

Ma chista è particulari, picchì di zip dutata,
‘a grapi quann’hai siti, e nun fai “frittata”,
nobili pinseri e giusta pinsata, macari p’un pocu ‘i caciu,
ma ‘na fimminedda comu facissi a dari un baciu ?

E o’ principi azzurru, truvannu Biancaneve addummisciuta,
ca’ mascherina ch’attuppa a vucca, cu l’aiuta ?
E si ‘sta puviredda avia a manciari ‘na baghetta ?
Intantu, bisognerebbi suggiriri ai giappunisi, pu’ loru beni,
di ‘mmintari ’n’estrosu baciu in
BUTTIGGHETTA …